Taqiq ortidagi savdo: noqonuniy nikotin mahsulotlari bozori qanday ishlamoqda?

Taqiq ortidagi savdo: noqonuniy nikotin mahsulotlari bozori qanday ishlamoqda?
O‘zbekistonda nikotin paouchlari va elektron sigaretalarga qo‘yilgan taqiq sog‘liqni saqlash siyosatining muhim qismi sifatida joriy etildi. Qonunchilikka ko‘ra, bunday mahsulotlarni ishlab chiqarish, import qilish va realizatsiya qilish man etilgan. Bu choralar, avvalo, yoshlar orasida nikotinga qaramlikning oldini olish, nazoratsiz savdo va sifatsiz mahsulotlar tarqalishini cheklash maqsadini ko‘zlaydi. Shu bilan birga, taqiqlangan mahsulotlarning noqonuniy muomalasi xavflarni yanada kuchaytirishi mumkin. Yashirin savdo kanallari orqali olib kirilayotgan nikotin paouchlari va elektron qurilmalar tarkibi va sifati bo‘yicha rasmiy nazoratdan o‘tmaydi. Bu esa iste’molchilar sog‘lig‘i uchun qo‘shimcha xatarlarni yuzaga keltiradi — tarkibida zararli kimyoviy moddalar yoki belgilangan me’yorlardan yuqori nikotin bo‘lishi ehtimoli ortadi.https://youtu.be/oGx3Y7PLCgw